प्रमुख समाचार

  • रक्सीको मातमा छोराले गरे बाबुको हत्या

    बिकास पौडेल चितवन , साउन ६ चितवनको कालिका नगरपालिकामा रक्सीको मातमा छोराले बाबुको हत्या गरेका छन् । कालिका नगरपालिका २ का  ५० बर्षीय स्थानीय भुमिनन्द दुलालको बुधबार आफ्नै घरमा हत्या भएको थियो । उनलाई उनकै छोरा अन्जन दुलालले कुटपिट गरेर ब्लेडको प्रयोग गरी हत्या गरेको प्रहरीको प्रारम्भिक अनुशन्धानबाट खुल्न आएको छ । मृतक दुलालको...

    Read More ...

  • जलाधार क्षेत्रको व्यवस्थापनमा स्थानीय स्तरबाट नै लागेमा लाभदायक हुनेमा जोड

    साउन ०५ । जलाधार क्षेत्रको व्यवस्थापन गर्नको लागि स्थानीय स्तरबाट नै लागेमा लाभदायक हुनेमा चितवनका सरोकारवालाहरुले जोड दिएका छन् । हरियो वन कार्यक्रम अन्तरगत खगेरी खोला उपजलाधार क्षेत्रको संरक्षणका लागि योजना तर्जुमा कार्यक्रममा सहभागीहरुले नदीको मुहानदेखि प्रभावित सबै ठाउँमा संरक्षणको काम...

    Read More ...

  • क्यान्सर अस्पताल १ नं. गेट अगाडि सवारी दुर्घटनाको जोखिम

    साउन ५ ।भरतपुर माडि सडक अन्तर्गत पर्ने क्यान्सर अस्पताल १ नं. गेट अगाडि सवारी दुर्घटनाको जोखिम बढेको छ । क्यान्सर अस्पतालको १ नं. गेट अगाडि सडक भत्किदा विरामीहरुले समेत सास्ति व्यहोर्नु परेको छ । ह्विल चियर प्रयोग गरि अस्पताल आवतजावत गर्नुपर्ने विरामीलाइ समस्या थपिएको हो । गत आर्थिक बर्ष ०७३÷७४ मा डिभिजन सडक...

    Read More ...

  • नारायणगढ–मुग्लिन सडकखण्डका ठेकेदार कम्पनीलाई तेस्रो पटक म्याद थप

    साउन ५ । निर्माण सम्पन्न गर्नुपर्ने समयमा ५० प्रतिशत मात्रै काम गरेको नारायणगढ–मुग्लिन सडकखण्डका ठेकेदार कम्पनीलाई तेस्रो पटक म्याद थप गरिएको छ । जसका कारण यात्रुले अर्को वर्ष पनि सडकका कारण दुःख पाउने भएका छन् । सन् २०१५ को अप्रिलमा २ वर्ष्भित्रमा काम सम्पन्न गर्ने गरी तीनवटा निर्माण कम्पनीलाई सो सडक ठेक्कामा दिइएको थियो ।...

    Read More ...

Top Stories

Grid List

साउन ५ ।
गजलको राजधानीको रुपमा चिरपरिचत चितवन यहि साउन ७ गते गजलमय हुने भएको छ । गजल मञ्च चितवनको फरक र पृथक शैलीको कार्यक्रम गजलसंगमा ४ जना गलजकारहरुले आफना गजल प्रस्तुत गर्ने बिहीबार भरतपुरमा पत्रकार सम्मेलन मार्फत जानकारी दिईएको छ । औपचारिक खण्डलाई पुर्णतया बर्जीत गरि गर्न लागिएको कायृक्रममा ४ जना गलजकारहरुले ३ खण्डमा आफ्ना गजल प्रस्तुत गर्नेछन । पहिलो ,दोस्रो खण्डमा ३÷३ गजल र तेस्रो खण्डमा १ गजल समाबेश हुने जानकारी कार्यक्रम स्रंयोजक सिर्जना सिलवालले जानकारी दिनुभएको छ । कार्यक्रम गजलसंगको अब हुने शृङखला दोस्रो रहेको छ । यसअघि देवघाट बिशेष कार्यक्रम गरि देवघाटमा रहेर गजलमा लामो समयदेखी कलम चलाएका गजलकारहरुको गजल प्रस्तुती रहेको थियो । गजलसंगको दोस्रो शृङखलामा गजलकारहरु कृष्णप्रसाद शिखडा, मुक्त उदास, बिमर्श कडेल र दिग्गज धौराली रहनुभएको छ । गजल क्षेत्रमा दशकको अनुभव संगालेका युवाहरुको गजल प्रस्तुती रहनेछ । अघिल्ला शृङखलामा जस्तै यो शृङखलामा पनि कार्यसमितिसदस्यहरुले कार्यक्रममा सृजना हुने आर्थीक व्ययभार आफैले लिनेभएकाले संस्थालाइृ असर नपर्ने कार्यक्रम स्रंयोजक सिर्जना सिलवालले पत्रकार सम्मेलनमा उल्लेख गनुृभएको थियो । सो कार्यक्रम सगुन पार्टी प्यालेसमा साउन ७ गते दिनको २ बजे हुनेछ । सो कार्यक्रममा चितवन , नवलपरासी , तनहु, सुर्खेत, कोहलपुर दाङ, काठमाण्डौ पोखरा मकवानपुर आदि क्षेत्रका गजकारहरुको सहभागिता रहने गजल मञ्च चितवनका अध्यक्ष प्रभाकर पण्डितले बताउनुभएको छ ।

साउन ५ ।
ज्ञानेश्वर सामुदायिक वनका महिला उपभोत्ताहरुलाई हाते कडाई सम्बन्धि तालिम दिइएको छ । २५ दिने हाते कडाई सम्बन्धि तालिमको बिहिबार एक कार्यक्रमका विच समापन गरिएको हो । समापन कार्यक्रममा बोल्दै ज्ञानेश्वर सामुदायिक वन परिषदका अध्यक्ष नारायण प्रसाद अधिकारीले गरिबी कम गर्दै महिलालाइ सक्षम बनाउन बन निरन्तर सिपमुलक काम गर्दै जाने वताए । उनका अनुसार ज्ञानेश्वर सामुदायिक वन उपभोत्ताहरुलाइ आर्थिक रुपमा सबल बनाउन वनले आफ्नो आम्दानिको ३५ प्रतिशत बजेट सिप मुलक कार्यक्रमका लागि छुट्याएको छ । महिलाहरुले कुर्ता तथा साडिहरुमा बुट्टा बुन्ने सिप सिकेका हुन् । उनिहरुले बुट्टा बुनेर तयार पारेका कपडाहरुलाइ बजारिकरणका लागि प्रयास गर्ने अधिकारीको भनाइ छ । ज्ञानेश्वर सामुदायिक वनका आयआर्जन उपसमिति संयोजक एवं कडाई तालिम संयोजक राजन अधिकारीले सिपमुलक कार्यक्रम सञ्चालनका लागि सामुहिक रुपमा आएका मागलाइ वनले सक्दो सम्बोधन गर्ने वताए । स्थानियको वैकल्पिक आयआर्जनको श्रोतको विकास गरी वनजंगलमा आश्रित हुनुपर्ने अबस्था रोक्न अन्य कार्यक्रहरु गरिने उनको भनाइ छ । महिलाहरुको आयआर्जनमा बृद्धि ल्याइ महिलालाइ आत्मनिर्भर बनाउन तालिम महत्वपुर्ण भएको उनले वताए । तालिममा सिकेका कुरालाइ व्यवहारमा उतार्न सके मात्रै महिलाहरुको आयआर्जनमा बृद्धि आउनसक्ने उनको भनाइ छ । तालिमकी प्रशिक्षक शर्मिला घलेले सिकेका सिपलाइ निरन्तरता दिन आग्रह गरिन् । सादा कपडामा बनाइएका बुट्टाहरु निकै आकर्षक बनेको वताउंदै उनले बजारीकरणको पनि व्यवस्था हुनुपर्ने वताइन् । तालिममा वनको सिमाना नजिकका ३५ जना महिलाहरुको सहभागिता रहेको थियो ।

असार २६ ।
वर्षाको समयमा दुर्लभ वन्यजन्तुको चोरीशिकार हुन सक्ने भन्दै चितवन राष्ट्रिय निकुञ्जले वन्यजन्तु र त्यसको वासस्थान संरक्षण तथा चोरीशिकार प्रतिरोध अभियान सुरु गरेको छ । सरोकारवाला निकायहरुको सहकार्यमा सुरु भएको सो अभियान तीन महिनासम्म सञ्चालन हुनेछ । वर्षाको समयमा निकुञ्जमा घाँसका विभिन्न प्रजाति बढेर बाटो छेकिने, पानीले बाटोमा हिलो र खाल्डाखुल्डी हुने, रुख ढलेर बाटो अवरुद्ध हुनेलगायतका कारण मानिसको आवतजावतमा निकै कमी आउने गर्छ । जसका कारण शिकारीहरु सक्रिय हुने गर्छन् । निकुञ्जका सूचना अधिकारी नुरेन्द्र अर्यालकाअनुसार निकुञ्ज र मध्यवर्ती क्षेत्रका चोरीशिकारका दृष्टिले संवेदनशील क्षेत्रहरुमा रबरको डुङ्गा, गाडी, हात्ती, पैदल, साइकललगायतका माध्यमबाट गस्ती गरिनेछ । वन्यजन्तुको बढी ओहोरदोहोर हुने ठाउँको निगरानी राखी गस्ती बढाइने उहाँले बताउनुभयो । अभियानअन्तर्गत ती क्षेत्रका जनतालाई सुसूचित गर्ने, संरक्षण शिक्षा दिइने, अन्तक्र्रिया गर्ने र जङ्गल सर्च गर्नेलगायतका कार्यक्रम गरिनेछ । अभियानमा जिल्ला वन, सामुदायिक वन, नेपाली सेना, स्थानीय चोरीशिकार नियन्त्रण युवा जागरण उपसमितिहरु, मध्यवर्ती व्यवस्थापन समिति, वन हेरालु, संरक्षणका साझेदार संस्थालगायतको सहभागिता रहनेछ । जसअन्तर्गत आइतबार भरतपुर महानगरपालिकाको ज्ञानेश्वर, सेतीदेवी र मझुवा सामुदायिक मध्यवर्ती वनबाट अभियान थालिएको हो । ती वन नारायणी नदीको किनारमा रहेका छन् । गैँडा र बाघका लागि यो क्षेत्र उपयुक्त वासस्थान मानिन्छ । अभियान कात्तिक १ गते समापन गरिने जनाएको छ ।


पिठूवा २३, असार । सृजनशिल महिला विकास बचत तथा ऋण सहकारी संस्था लि. रत्ननगर १६ पिठुवाको आयोजनामा नव निर्वाचित प्रतिनिधिहरुलाई स्वागत तथा संस्थाका शुभेच्छुक एवम् सहयोगी निकायबीच अन्तरक्रिया कार्यक्रम गरिएको छ । पिठूवा सेवा केन्द्रमा आज आयोजित कार्यक्रममा रत्ननगर नगरपालिकाको नव निर्वाचित उपमेयर विमला दुवाडी, वडा नं. १४ का वडा अध्यक्ष हरीकुमार श्रेष्ठ, वडा न.ं १५ का वडा अध्यक्ष हुमनाथ लामिछाने र वडा नं. १६ का हेमराज थापा सहित सदस्यहरुलाई पनि सम्मान गरिएको थियो । कार्यक्रमका प्रमुख अतिथि रत्ननगर नगरपालिकाकी उपमेयर विमला दुवाडी, विशिष्ठ अतिथि महिला विकास कार्यालय चितवनकी प्रमुख शान्ता पौडेल, वडा अध्यक्षहरु हरीकुमार श्रेष्ठ, हुमनाथ लामिछाने, हेमराज थापा, संस्थाको पूर्व अध्यक्ष सर्मीला लामिछाने, वडा सचिव रुप वहादुर क्षेत्री, आर्दश नारी गृहकी अध्यक्ष मिना खरेल, संस्थाकी उपाध्यक्ष कल्पना बस्नेत, सचिव अमृता लामिछाने, लगायतले मन्तव्य बोलेका थिए । महिला तथा बालबालिका केन्द्रीय कार्यालय काठमाण्डौंबाट देशभरकै उत्कृष्ठ संस्थाको रुपमा छनौट भई यसवर्ष १ लाख रुपैयाँ पुरस्कार समेत पाउन सफल यस संस्थाको प्रगती र भावि योजनाको बारेमा संस्थाकी अध्यक्ष रिता काप्रीले जानकारी गराएकी थिइन् ।  ((०))
खोलेसिमलमा महिला हिंसा सम्बन्धि प्रशिक्षण
खोलेसिमल २३, असार । कालिका नगरपालिका वडा नं ६ खोलेसिमलमा महिला समितिको आयोजनामा महिला हिंसा सम्बन्धि प्रशिक्षण कार्यक्रम सम्पन्न भएको छ। प्रशिक्षणमा संविधानमा महिलाको अधिकार, महिला हिंसाको घटना र कानुनि उपचार, महिलाको नेतृत्व विकास लगायतको विषयमा प्रशिक्षण दिइएको थियो । कार्यक्रममा अधिवक्ता कमलराज पाठक र महिला अधिकारकर्मी सूर्यवदना हमालले सहजिकरण गरेका थिए । कार्यक्रममा कालिका नगरपालिकाकी उपमेयर कमला भट्टराई, वडा अध्यक्ष विनोद रेग्मी, समुहकी उपाध्यक्ष कल्पना बस्नेत, सचिव अमृता लामिछाने लगायतले मन्तव्य व्यक्त गरेका थिए । कार्यक्रम समुहकी अध्यक्ष कविता लामिछानेको अध्यक्षतामा आयोजना गरिएको थियो ।


शिशिर सिंखडा
खोलेसिमल २३, असार । नेपाल आदिवासी जनजाति महासंघ कालिका नगरपालिका वडा नं. ६ को आयोजनामा आज बृद्धबृद्धालाई सम्मान गरिएको छ । वडा कार्यालय परिसरमा आयोजित कार्यक्रममा वडा भित्रका ४५ जना बृद्धबृद्धालाई अविर खादा तथा नगद सहित सम्मान गरिएको थियो ।  कार्यक्रमका प्रमुख अतिथि कालिका नगरपालिका वडा नं. ६ का वडा अध्यक्ष विनोद रेग्मी, वडा सदस्यहरु बालकृष्ण अधिकारी, दशरथ सापकोटा, सम्झना परियार, दुर्गा सुवेदी, आयोजक संस्थाका अध्यक्ष होमवहादुर गुरुङ, उपाध्यक्ष ज्ञानुकुमाल लगायतले कार्यक्रममा मन्तव्य व्यक्त गरेका थिए । सो कार्यक्रम महासंघका जिल्ला सदस्य साउने बोटेको अध्यक्षतामा आयोजना गरिएको थियो । ((०))

असार २० ।
भरतपुर महानगरपालिकाका बहिरा व्यक्तिहरुलाई बाख्राको पाठी वितरण गरिएको छ । चितवन बहिरा संघको आयोजना र भरतपुर महानगरपालिकाको आर्थिक सहयोगमा यहाँका बहिराहरुलाई स्वरोजगारको लागि बाख्राको पाठी वितरण गरिएको हो । मंगलबार कार्यक्रमको आयोजना गरि महानगरपालिकाका विभिन्न २३ जना बहिरा व्यक्तिहरुलाई बाख्राको पाठी वितरण गरिएको हो । कार्यक्रममा भरतपुर महानगरपालिका वडा नम्बर १० का वडा सचिव मधुराम दवाडीले बहिरा व्यक्तिहरु पनि स्वरोजगार भएमा उनीहरुले आफ्नो आवश्यकता पुरा गर्न अरुको सहयोगको अपेक्षा गर्नु नपर्ने बताए । उनीहरु स्वरोजगार भएमा परिवारको बोझ नहुने र आफ्नो लागि खर्च आफैले पु¥याउन सक्ने उद्देश्य राखी बाख्रा वितरण गरिएको दवाडीले बताए । बाख्रा वितरण कार्यक्रममा जिल्ला अपाङ्ग समन्वय समिति चितवनका संयोजक भरतमणि भट्टले महानगरपालिकाले लक्षित वर्ग कार्यक्रम अन्तर्गत क्षमता विकास र भौतिक विकासका कार्यक्रम सञ्चालन गर्ने बताए । यस अगाडि क्षमता विकासमा मात्रै बजेट छुट्याइने गरेको भएपनि यस पटक भने क्षमता अभिवृद्धिको लागि बजेट विनियोन भएकाले बहिरा व्यक्तिको लागि बाख्राको पाठी वितरण गरिएको भट्टले बताए । बहिरा व्यक्तिहरुको अभिभावकले पनि आफ्ना बहिरा छोराछोरीलाई स्वरोजगार बनाउन प्रेरणा दिनुपर्नेमा भट्टले जोड दिएका थिए । चितवन बहिरा संघका उपाध्यक्ष संगत गुरुङले स्वागत मन्तव्य राख्दै बहिरा व्यक्तिहरुले पनि समाजमा केही गरेर देखाउने बेला आएका बताए । बहिरा व्यक्तिहरुसँग क्षमता भएर पनि बाहिर काम गर्न नपाउने गुनासो गर्दै गुरुङले अब व्यक्ति आफै स्वरोजगार हुँदै समाजमा आफ्नो पहिचान कायम गर्न बहिरा व्यक्तिहरु लाग्नुपर्नेमा जोड दिए । कार्यक्रम चितवन बहिरा संघकी अध्यक्ष विष्णुकुमारी पौडेलको अध्यक्षतामा सम्पन्न भएको थियो ।