प्रमुख समाचार

  • नेकपा माओवादीका अध्यक्ष पुष्पकमल दाहालका छोरा प्रकाश दाहालको निधन

    ३ मंसिर,  नेकपा माओवादीका अध्यक्ष पुष्पकमल दाहालका छोरा प्रकाश दाहालको निधन भएको छ । पारिवारिक स्रोतका अनुसार आइतबार बिहान नर्भिक अस्पतालमा उनको निधन भएको हो । दाहालको निधन भएको औपचारिक घोषणा गरिएको छैन । केहीबेरमा अस्पतालले पत्रकार सम्मेलन गर्दैछ । अस्पतालमा अहिले सुरक्षा अधिकारीहरु तथा सर्वसाधारणको भिड लागेको छ...

    Read More ...

  • चार बुँदे घोषणापत्र जारी गर्दै भैंसी विज्ञको पहिलो अन्तर्रा्ष्ट्रिय सम्मेलन सम्पन्न

    मंसिर ०२ । भैंसी अनुसन्धानको सर्वोच्च केन्द्र’ स्थापना गर्ने निष्कर्षसहित चार बुँदे घोषणापत्र जारी गर्दै भैंसी विज्ञको पहिलो अन्तर्रा्ष्ट्रिय सम्मेलन चितवनमा सम्पन्न भएको छ । कात्तिक २९ गतेदेखि मंसिर १ गतेसम्म चितवनको सौराहामा भएको सम्मेलनले राष्ट्रियस्तरमा भैंसी अनुसन्धानको सर्वोच्च केन्द्र बनाइ त्यस अन्तर्गत शाखाको...

    Read More ...

  • वाम गठबन्धनको पक्षमा जनमत सिर्जनाको लागि शिक्षकहरु लाग्ने

    मंसिर ०२ । वाम गठबन्धनको पक्षमा जनमत सिर्जनाको लागि शिक्षकहरु लाग्ने बताएका छन् । देशको राजनीतिक अस्थिरतालाई पाखा लगाउँदै विकास निर्माणको लागि वाम शक्तिको बहुमत आवश्यक पर्ने भएकोले मंसिर २१ मा हुने निर्वाचनमा वाम शक्तिलाई विजयी गराउन लाग्ने शिक्षकहरुले बताएका हुन् । वाम गठबन्धनको संयुक्त शिक्षक...

    Read More ...

  • म समृद्ध नेपालको ठेकेदार हुं ः मन्त्री विक्रम पाण्ड

    मंसिर ०२ । वन तथा भूसंरक्षण मन्त्री विक्रम पाण्डेले आफू समृद्ध नेपाल निर्माणको ठेकेदार भएको बताउनुभएको छ । चितवन क्षेत्र नम्बर ३ मा लोकतान्त्रिक गठबन्धनका तर्फबाट प्रतिनिधिसभाको उम्मेदवार समेत रहनुभएका पाण्डेले माओवादी केन्द्रका अध्यक्ष दाहाललाई टुरिस्टको संज्ञा दिँदै आफू समाज परिवर्तनको ठेकेदार भएको बताउनुभएको हो ।...

    Read More ...

Grid List

चितवन, कार्तिक ३०–


बहुप्रतिक्षित क्रिकेट प्रतियोगिता ‘एभरेष्ट प्रिमियर लिग’को टिम चितवन टाईगर्सले विहीबार चितवनमा ‘ट्यालेण्ट हण्ट’ कार्यक्रम गरेको छ । चितवन जिल्ला क्रिकेट संघको सहकार्यमा नारायणगढस्थित क्याम्पाचौरमा ‘ट्यालेण्ट हण्ट’ कार्यक्रम भएको हो । सो कार्यक्रममा ३० जना खेलाडीले सहभागिता जनाएको चितवन जिल्ला क्रिकेट संघका अध्यक्ष कैलाश प्रधानले जानकारी दिए । प्रत्येक टिमले ‘ट्यालेण्ट हण्ट’ मार्फत स्थानीय खेलाडीलाई आवद्ध गराउने निर्णय अनुरुप चितवन टाईगर्सले पनि ‘ट्यालेण्ट हण्ट’ कार्यक्रम गरेको हो ।
आजको ‘ट्यालेण्ट हण्ट’ कार्यक्रममा राष्ट्रिय क्रिकेट टिमका पूर्व कप्तान राजु खड्का र पूर्व राष्ट्रिय खेलाडी दीपेन्द्र चौधरी छनौटकर्ताको रुपमा रहेका थिए । ‘ट्यालेण्ट हण्ट’ बाट हेमन्त कुमार थापा क्षेत्री, गौतम केसी, संघर्ष, दिवस पौडेल र आकाश थापा गरि पाँच जना खेलाडीको नाम सर्ट लिष्टमा परेको थियो । पाँच जना मध्येबाट व्याट्सम्यानमा आकाश थापा र फाष्ट बलरमा गौतम केसी छनौट भएको चितवन जिल्ला क्रिकेट संघका अध्यक्ष प्रधानले जानकारी दिनुभयो ।
आगामि पुसमा हुने एभरेष्ट प्रिमियर लिग क्रिकेट प्रतियोगिताका टिमहरुले ११ जना खेलाडी छनौट गरिसकेका छन् । हरेक टिमले तीन जना विदेशी खेलाडीलाई समेत अनुबन्धन गर्न पाउने प्रावधान रहेको छ । चितवन टाईगर्सको मालिक नवलपरासी निवासी किशोर भट्टराई हुन् । चितवन टाईगर्सको टिममा राष्ट्रिय खेलाडीहरु सुवास खकुरेल, पृथु बास्कोटा, दीपेन्द्रसिंह ऐरीलगायतका युवा खेलाडीहरु रहेका छन् ।

कात्तिक २७ ।


भिमसेन बचत तथा ऋण सहकारी संस्था भरतपुर २ को पांचौ बार्षिक साधारण सभा सोमबार सम्पन्न भएको छ । संस्थाले आफ्नो साधारण सभाको अवसरमा विभिन्न विधामा शेयर सदस्यहरुलाइ सम्मान गरेको छ । ज्येष्ठ नागरिक २ जना, असल बचतकर्ता २ जना, असल ऋणी २ जना र आवधिक बचत कर्ता एवं असल बालबचत कर्ता १÷१ जना शेयर सदस्यलाइ सम्मान गरेको हो । कार्यक्रममा संस्थाका सचिव अशोक श्रेष्ठले प्रगति प्रतिवेदन र कोषाध्यक्ष गोविन्द प्रसाद श्रेष्ठले आर्थिक प्रतिवेदन प्रस्तुत गरेका थिए । अध्यक्ष दिपक शर्मा पौडेलको अध्यक्षतामा भएको कार्यक्रममा सहकारी प्रशिक्षण तथा डिभिजन कार्यालय भरतपुरका सहकारी निरिक्षक रामबाबु पौडेल, उद्योग बाणिज्य संघ चितवनका बरिष्ठ उपाध्यक्ष एवं संस्थाका सल्लाहकार राजु श्रेष्ठ लगायत विभिन्न सहकारी संस्थाका प्रतिनिधिहरुको सहभागिता रहेको थियो ।

कात्तिक २७ ।
भरतपुर २ आँपटारीमा रहेको स्मल हेभन मोडल स्कुलले अभिभावकहरुलाई परामर्श दिएको छ । विद्यालयले आफ्ना विद्यार्थीहरुका अभिभावकलाई परामर्श प्रदान गरेको हो । उक्त अभिभावक परामर्श कार्यक्रममा सहभागी भएका दुई सय भन्दा बढी अभिभावकलाई प्रशिक्षक रविन कटुवालले प्रशिक्षण दिएका थिए । कटुवालले वाल मनोविज्ञान, उनीहरुलाई कसरी लगनशील बनाउने भन्ने विषयमा अभिभावकहरुलाई प्रशिक्षण दिएका हुन् । सानै उमेरका बालबालिकाहरुदेखि नै अभिभावकले विशेष ख्याल गर्दै उनीहरुको पढाई प्रति चनाखो बनाउनुपर्ने कुटवालले बताए । कार्यक्रममा विद्यालयका संस्थापक अध्यक्ष एवम् भरतपुर महानगरपालिका वडा नम्बर २ का वडा अध्यक्ष पूर्ण बहादुर श्रेष्ठले बालबालिकाहरुलाई गाली गर्न नहुने उल्लेख गर्दै उनीहरुलाई रमाइलो वातावरणमा पढाउनुपर्ने बताएका छन् । उक्त परामर्श कार्यक्रम विद्यालयका कार्यकारी निर्देशक रामप्रसाद भट्टको अध्यक्षतामा सम्पन्न भएको थियो ।

कात्तिक ११ ।
आगामी १० वर्ष भित्र गैडाकोट देशकै नमुना र बिकसीत सहरका रुपमा बिकास हुने गैडाकोट नगरपालिकाका नगर प्रमुख छत्रराज पौडेलले बताउनु भएको छ । गैडाकोट झपर्दी नमुना टोल बिकास संस्थाको प्रथम साधारण शभा तथा अधिबेशन कार्यक्रममा बोल्दै नगर प्रमुख पौडेलले आफुले गैडाकोटको भुगोल यहाको आवास र औधोगिककरणको २० वर्ष पछाडीको अवस्थाको अध्यान गरि बिकासका नया योजना बनाएको ले ५ वर्ष भित्रमा बिकसित सहर मध्यको एकमा गैडाकोट पर्ने र अर्को ५ वर्ष भित्रमा देशकै नमुना र अति बिकसीत सहरको रुपमा गैडाकोटलाई देख्न पाईने बताउनु भयो । आफु अहोरात्र यो क्षेत्रको बिकासमा लागेको भन्दै उहाले नगरबासिले बिकासका अनुभुति गर्ने खालका २०० वटा कामहरु गरिसकेको जानकारी दिनु भयो । आफुले टोल बिकास संस्थाहरुसंग सहकार्य गरी उनिहरुको राय शुझावका आधारमा योजनाहरु समेत बनाएको बताउनु भयो । त्यस्तै नगर उपप्रमुख बिष्णु कुमारी कंडेलले गैडाकोट नगर भित्रका सम्पुर्ण महिलाहरुलाई उद्यमशिल बनाउन आफनो प्रयत्न रहेको र सोही अनुसार काम भएको बताउनु भयो । कार्यक्रममा उच्च अदालतका न्यायधिस तथा टोलसुधार संस्थाका सदस्य धुर्वराज नन्दलाई दोशल्ला तथा कदर पत्रले सम्मान गरिएको थियो । त्यस्तै संस्थाका सल्लाहकार,इस्वरी नाथ रिमाल,रोहणभत्त अधिकारी,डिल्लि प्रसाद सिग्देल,दामोदर पौडेल,अन्जना पराजुली , जेष्ठ सदस्यहरु, कार्यासमितिका पदाधीकारी तथा सहयोग दातालाई पनि सम्मान गरिएको थियो । कार्यक्रममा बोल्दै कार्यक्रमका सम्मानित ब्यातित्व धुव्रराज नन्दले आफुले टोल बिकास र यहाका सदस्यहरुको हितका लागी आवस्यक सहयोग गर्ने प्रतिवद्धता जनाउनु भयो ।

कात्तिक ११ ।

भरतपुर १२ आस्था टोलमा रहेको हाम्रो माइती बचत तथा ऋण सहाकारी संस्था लिमिटेडको पाँचौँ वार्षिक साधारणसभा शनिबार सम्पन्न भएको छ । उक्त साधारणसभामा सहकारीका अध्यक्ष यमनाथ सुवेदीले वार्षिक प्रतिवेदन प्रस्तुत गर्दै चालु आर्थिक वर्ष २०७४÷०७५ मा सात सय जना शेयर सदस्य पु¥याउने लक्ष्य रहेको बताए । ३० लाख ४३ हजार पाँच सय रुपैयाँ शेयर पुँजी रहेको संस्थाको ५० लाख रुपैयाँ शेयर पुँजी पु¥याउँदै एक करोड रुपैयाँ निक्षेप संकलन गर्ने सुवेदीले बताए । गत आर्थिक वर्ष २०७३÷०७४ करिब एक करोड रुपैयाँ ऋण लगानी गरेको सहकारीले ७८ हजार एक सय रुपैयाँ खुद बचत गर्न सफल भएको सुवेदीले बताए । पाँचौँ साधारणसभाका क्रममा संस्थाका सचिव देवराज सुवेदीले वार्षिक प्रगति प्रतिवेदन, कोषाध्यक्ष हरिहर दवाडीले आर्थिक प्रतिवेदन, लेखा सुपरीवेक्षण समितिका संयोजक बालकृष्ण शर्माको तर्फबाट लेखा सुपरीवेक्षण प्रतिवेदन प्रस्तुत गरिएको थियो । कार्यक्रममा धेरै शेयर जम्मा गर्ने शेयर सदस्यहरु नगेन्द्र प्रसाद रेग्मी र इन्दिरा देवी रेग्मी, बढी बचत गर्ने संरक्षित बाल सदस्य कामराज रेग्मीलाई सम्मान गरिएको थियो । हाम्रो माइती बचत तथा ऋण सहाकारी संस्था लिमिटेडका अध्यक्ष यमनाथ सुवेदीको अध्यक्षतामा भएको कार्यक्रममा जिल्ला सहकारी संघ चितवनका अध्यक्ष टिकाराम भट्टराई प्रमुख अतिथि रहेका थिए । चक्रबहादुर कार्की, मानबहादुर खड्का, सोमनाथ अधिकारीलगायतले शुभकामना मन्तव्य राखेको साधारणसभामा संस्थाका उपाध्यक्ष उर्मिला न्यौपानेले स्वागत मन्तव्य राखेकी थिइन् ।


कात्तिक ०७ ।


चितवन सहायता समाज र चितवन सहायता कोष (क्याट) बेल्जियमले देवघाटमा रहेका जेष्ठ नागरिकहरुलाई फलफूल तथा ब्लाङ्केट वितरण गरेका छन् । कल्पबासमा बसेका वृद्धहरुलाई जाडो छल्नको लागि ब्लाङ्केट वितरण गरिएको क्याट बेल्जियमका अध्यक्ष राजु घिमिरेले बताए । बेल्जियमा बसेका नेपालीहरुले प्रति व्यक्ति पाँच हजार रुपैयाँ संकलन गरेर देवघाटका वृद्धवृद्धाहरुलाई सहयोग गरेको घिमिरेको भनाइ थियो । चितवन सहायता समाज र क्याट बेल्जियमको संयुक्त आयोजनामा भएको कार्यक्रममा तनहूँ तर्फको देवघाट क्षेत्रमा बसिरहेका ५० जना वृद्धवृद्धालाई ब्लाङ्केट र फलफूल वितरण गरिएको हो । त्यसैगरी, देवघाट क्षेत्र विकास समितिको वृद्धाआश्रममा जेष्ठ नागरिकहरुलाई समेत उनीहरुले खाना खुवाएका छन् । क्षेत्र विकास समितिको वृद्धाश्रममा ३१ जना वृद्धवृद्धाहरु बस्दै आएका छन् । कार्यक्रममा गैरआवासीय नेपाली संघ अन्तर्राष्ट्रिय समन्वय परिषद समितिका नव निर्वाचित सचिव जानकी गुरुङले आफूहरु विदेशमा रहने भएपनि मनमा नेपाल रहेको बताइन् । नेपाल नेपालीको लागि थोरै थोरै भएपनि सहयोग गर्न पाउँदा आफूहरुलाई खुसी मिल्ने गुरुङको भनाइ थियो ।