७ असोज, चितवन । चितवनमा मोटरसाइकल दुर्घटनामा परेर दुई जना पत्रकार घाइते भएका छन् । नारायणगढ–मुग्लिन सडकखण्डमा खसेको पहिरोको समाचार संकलन का लागि मुग्लिङ पहिरो स्थलबाट लाइभ रिपोर्टिङ गर्न जाँदै गर्दा फर्किँदै गर्दा मंगलबार साँझ ६ बजेतिर मोटरसाइकल दुर्घटना हुँदा नेपाल टेलिभिजनका चितवन संवाददाता अनिल ढकाल र पत्रकार महासंघ चितवनका सदस्य सुदन पौडेल घाइते भएका हुन् । घाइतेमध्ये पत्रकार ढकालको अवस्था गम्भीर रहेको जिल्ला प्रहरी कार्यालय चितवनका सूचना अधिकारी एवं प्रहरी नायव उपरीक्षक (डीएसपी) रवीन्द्र खनालले जानकारी दिए । उनका अनुसार पत्रकार ढकालको टाउकोमा चोट लागेकाले भेन्टिलेटरमा राखेर उपचार भइरहेको छ ।
